要抓住夏天嘅尾巴，最好当然趁公众泳池仲有两个月开放去游下水。讲开公众泳池，其实大家又知唔知香港仲有几间硕果仅存嘅泳池餐厅存在？今次就同大家介绍呢间由当年维园泳池餐厅东主坚守住嘅港岛东体育馆泳池餐厅，唔讲你未必知，原来超级大件咁抵食，係街坊泳客打趸嘅地方，其中巨人级 龙虾锅 、长脚蟹粥同12位套餐个份量都吓死人！即睇有几大！相片由博客提供：Let’s Explore Together
龙虾海鲜锅 $1300 1只手咁长嘅海鲜锅有5只开边波士顿龙虾，仲加咗大量蛏子，大花甲同蚬，海鲜汤足料鲜甜 相片提供：Let’s Explore Together
波士顿龙虾只只都有前臂咁长！ 相片提供：Let’s Explore Together
北海道长脚蟹粥 $1200图片：Wy_y餐厅主打海鲜套餐，12位用平日都係$1680一围有11道菜式，其中火焰羊架同芝士蟹盖伊麵都係主打菜式，同样都係大大份！
芝士蟹盖伊麵，乃是$1680一围有11道菜其中之一 相片提供：Let’s Explore Together
火焰羊架 上枱时会点火，视觉效果十足。火烧过外脆内嫩，羊肉鲜味唔会好苏 相片提供：Let’s Explore Together港岛东体育馆泳池餐厅
地址：西湾河鲤景道52号港岛东体育馆2楼
营业时间：2884 3348
另一间同样硕果仅存嘅泳池餐庞就係何文田体育馆餐厅，邻舍辅导会成立的社企，由弱能人士担任部份岗位，同样是家不俗的西餐厅。记者推介当中的下午茶餐，胜在碟头够大味道还可以，重点係可以享受无敌的泳池View！
鲜虾多士 $36（附送餐饮）
蘑菇鸡丝炒意粉 $46（附送餐饮）
蓝莓芝士蛋糕 $30（附送餐饮）
何文田体育馆餐厅
地点：何文田爱民村忠义街1号何文田体育馆1楼
营业时间：10am – 10pm (星期一至六)；8am – 10pm(星期日及公众假期)
